HKBP Kisaran Kota
Johannes 17:15
Ndang apala hupangido taitonMu nasida sian portibi on; alai naeng ma ramotanMu nasida maralohon na jahat i.
Aku tidak meminta, supaya Engkau mengambil mereka darri dunia, tetapi supaya Engkau melindungi mereka dari pada yang jahat.
Ramotan ni Tuhan I Do Ho Maralohon Na Jahat
Halak Na porsea mangolu di bagasan hata ni Debata, mamuji Tuhan Jesus, mangolu di hatiuron. Hata ni Debata gabe ojahan ni na porsea, gabe sulusulu jala hatiuron di dalan ni angka na porsea. Tontu ma godang na manghasogohon angka na porsea mandok hatigoran manang mangulahon angka na denggan. Ala gabe targanggu angka na mardalan di na holom. Mangihuthon Jesus ndada mandok soada angka parungkilon. Tangkas do diboto Jesus angka parsorion ni na porsea. Disi do Tuhan Jesus martangiang tu angka na porsea asa didongani Tuhan Debata angka na porsea maralohon nasa na jat jala dipargogoi patupahon nasa na denggan.
Sahalak naposo naung berhasil di parkarejoan mamutushon naeng tinggal di sada inganan hirahira tolu bulan alai ia inganan i na so adong marhubungan tu hakristenon, ndang adong hata ni Debata, dimulanai tung I ma las ni rohana, soada martangiang, marende, manjaha bibel alai di ariari parpudi tung lungun ma rohana, ia haputusan na i sala, gabe di jou ibana ma donganna asa diboan godang bible jala asa rap martangiang, merende, marparsaoran dohot Debata. Didok ibana molo so adong parsaoran dohot Debata tudos ma maringanan di neraka, rap dohot sibolis. Sahalak naposo manadingkon Tuhan alai di pardalanan na binolusna disadari ibana na sala ibana mambuat haputusan. Hita pe godang na taadopi di portibi on, parungkilon, hasusaan, sipata terganggu martangiang ala ni kondisi, molo jumpa angka songoni unang mabiar, unang tahutan ala didongani Tuhan do hita maralohon na jahat. Amen.
